Lydia Castro

 

NO CARRO UN LATEXAR

Cultura popular e identidade no Folión de Chantada

O pasado nunca é pasado en Chantada. A memoria colectiva da súa xente emerxe cada cuarto fin desemana de agosto co nostálxico e máxico cantar dos carros do país, é o son ancestral do Folión. Polas rúas da vila, carros tirados por xugadas de bois ou vacas transportan a escenificación da vida labrega e os oficios e saberes tradicionais da zona. Sobre plataformas de madeira e ataviados con traxes de época, os carroceiros guían ó resto da comunidade no recordo do que foron, son e serán; do que significou, significa e significará ser chantadino, salvagardando o seu sentimento de identidade e pertenza á Terra de Asma.


Falar do Folión de Carros de Chantada, por tanto, non só é falar dun desfile, dunha xugada, dun carro ou dunha escenificación. Falar do Folión é falar de arraigamento, de identidade e comunidade. Esta manifestación etnográfica, transmitida de xeración en xeración e en constante evolución, axuda a vincular o seu pasado co futuro a través do presente. O Folión é tradicional, contemporáneo e vivente ó mesmo tempo. É un espello no que mirarse e recoñecerse. É, en definitiva, o día dos chantadinos e chantadinas, o día no que a comunidade leva nun carro recollida toda a súa cultura popular e identidade como pobo. Levan no carro o orgullo e a emoción colectiva da xente no corazón de Galicia. Levan na tradición un sentimento, no carro un latexar.   

- Lydia Castro 

 

 

A exposición fotográfica “No carro un latexar. Cultura popular e identidade no Folión de Chantada” enmárcase dentro da celebración das segundas xornadas etnográficas sobre o Folión de Carros de Chantada o 7 de xullo de 2018 no Auditorio Municipal. A mostra busca poñer en valor e darlle proxección exterior á tradición por medio da fotografía, aportando unha nova visión sobre a mesma a través dos ollos dunha persoa allea a esta manifestación cultural da Ribeira Sacra lucense.

 

 


Cartelería

 

 


En prensa

 

 

 

 


En redes

 

Using Format